《 零入球就是废？为传统高大中锋的平反

阅读962

《原创文章 欢迎转载 请列明出处 谢谢》-请支持蓝狮 Facebook专页-按此观看图片 ．图片来源 : Daily Star基奥特，身为法国国家队既正选前锋，如果你单睇佢喺今届世界盃既数据，可以话绝对唔合格，由分组赛至今六场波，交出既就只係零入球一助攻，射波无脚準，就算中龙都係有力度无角度，你可以笑佢废，可以笑佢碌碌无为，但基奥特对于依队法国队有几重要，你又睇唔睇得出？三十有一，年纪上开始进入球员既黄昏期，如无意外四年后既法国队大军名单亦唔会有佢喺度，意味住今届将会係最后一届。身处于平均年龄相对低既法国队，基奥特好清楚自己喺队中既位置，速度佢唔会够班后生仔跑得快，灵活度亦唔会有佢地咁敏捷，既然係咁，就唯有专一地去做一个「绿叶」柱趸中锋。不惜牺牲体力由前线走到后场帮忙防守，不惜牺牲前锋的入球数字为队友开山劈石顶波开路，不惜牺牲去做一个起脚机会比队友少的法国9号，透过走动不断窜扰、牵制对方后卫，拉出更多空间比队友突破製造进攻机会，己队开出龙门球时能够作支点争顶，多次成功停波并二传比队友，听落好简单既野，但又有几多个前锋做到又或者肯做哩啲野？基奥特没有基沙文在马体会拍档迪亚高哥斯达既前线全能性，没有麦巴比在巴黎圣日门拍档卡云尼既埋门把握力，亦没有丹比利在巴塞拍档苏亚雷斯对入球的渴望，但基奥特话比全世界听，唔需要多产量，唔需要世界级，唔需要比较，做返一啲简单野一样可以成功，基奥特就係基奥特，基奥特就係「银河唯一」。为传统既柱趸中锋、高大中锋，实实在在地作一次有力的平反！文章最后更新时间 : 14/07/2018 12:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持